Тасхаҷах

Сӧс ээзі Кобяков Василий Андреевич

0
273

Тасхаҷах хысхы хараада соохха тоопча.
Тал ағастың пазында тарбайыбысхан одырча.
Тумзиин ол идер-тудар чир таппин,
Тухрай килiп ханат алтына сухса даа,
Чылыбинча.
Соохха тооп сыдап полбаанда,
Чоохтанып, чобалып ол пастады:
«Адыр, таңда таң чарызох,
Ағастың арбахтиин таллап тапсамох,
Маңат арах чылығ уя
Чазап албаанда чарабас
Мындағ иреені кöpiп, пiди чуртап полбас,
Саасхан уязына кipiп солынарчыхсың,
Саасханнар, сайразып, чыыл килзелер,
Оларға сохтырчазың.
Татай… Халах, чуу!.. Чох, полар амды,
Халтырап сыдап полбас.
Таңдох хайди даа уя чазирға».
Кöгер килiп, таң чараанда,
Кöстел килiп, кÿн сыхханда,
Улуғ харахтығ тасхаҷах чылып парған.
Уя чазирын пазох ундуп салған.
Тасхаҷах осхас ундаачы кізілер
Табыларҷых пістің дее арабыста, нанҷылар.

***

сом орыны

0

Автор публикации

не в сети 3 месяца

admin

0
Комментарии: 0Публикации: 69Регистрация: 09-06-2019
Алны пазығМиягашев Е.П
Изере пазығКӱн чахайахтары

НАНДЫРЫҒНЫ ПАЗЫҢАР МЫНДА

Ӱндезииңерні пас пиріңер!
Адыңарны пас саларға кирек

 Необходимо принять правила конфиденциальностиПравила конфиденциальности 

доступен плагин ATs Privacy Policy ©