Хайран ноңнах чир ызых чориин
Ӏкі азахтығ аң аптап,
Муңар чыл тобырып, изере,
Хурт хоостығ оохтарны таптап,
Тӱктіг-тырғахтығны атхлап,
Хай миизі пар полғанға… Тора
«Худай!» тіп, пазыртып, устап,
Сӱрӱн пасха сырлығ ил чонын,
Мӱн пар итке кисклеп, пызырып…
Ам даа аңнасча удур-тӧдір.
Чаламаа сарынып хуттарын,
Тавро таңмаладып аттарын,
Киртініс оох чазап, киртіп,
Ухаанҷыл-мишиах хадарып,
Чарлас-хыйғассырас аймағы,
Кӱннең кӱнге толча хайнап,
Хыйғы-хыйалыс интернетче…
Адап таа кӧні Чазыт хайиин
Хан Тигір чазыт чох Ил тайиин,
Ікі азахтығлар оңмас
Тадар чіг ханында хайнаан
Постаң пос хоозы поза паан! –
Олаңай пазыс пу сӧстернің,
Олаңай сарыс кӧбіктері
Тӱгдӱр ухаанҷылдаң киле,
Солбанның чариинаң тура,
Хыныс тахпағынаң Матис
Чарлаан сӧс хабынаң ил ис:
Хайда-да Ким суғ чазаа парып,
Оох-теегес сууҷахтарға пайып,
Хурсаа пар-чохтыға им – том!
Ідӧк тадар сӧс тилістері
Сулғанып тиңіс кибістерін,
Паза пір синін, син, Кізі,
Пілерзің тирігліг пізін!
Чох-чох, син сағынма пу атом
Хати хойлаанынаң тӱзер..
Ис тирии чазығлығ пу парыс:
Ах чарых ағынынаң – Сағыс,
Кӱн чарых сағыннаң — Ырыс!
***
3 ноябрь 2018, 11.55.
Пушкин ухаанҷылдаңар кӧрген кӧзідіг соонаң.
Автор публикации
