Сӧстерi В.Барашковти, кӧӧ Г.Челбораковти.
Кӧгілбей тигір илбек чайылча,
Кӧгліг ырлапчам, чазызар сығып.
Часхы пулуттар танға саптырча,
Чахайахтарға кӧлек тӱзіріп.
Чикпек тан полза, харлар хайылча,
Чалбах чир ӱстӱ хатап ӧңненче.
Ырызын сахтап, чӱрек сабылча,
Часхы пулуттар кӧңнім ӧӧрлетче.
Часхы пулуттар, минің ӱнімні
Чазы-чалбахха тарат парыңар.
Часхы пулуттар, минің ырымны
Чонға читіріп, учух парыңар.
Айас тигірде кӱн чылтыраза,
Аар сағыстарны хыйа итірче.
Часхы чиит ӱннер тигірге сыхса,
Ырыс хатабох сағысха кірче.
Автор публикации
Автор постов, стихов
