Сӧотерi Н.Доможаковти, кӧӧ чонни.
Чазызар сығып, сарнасса,
Чахайах пазы чайхалғай,
Чахсы марғызып тоғынза,
Часкалығ хоных пик полғай.
Тайғазар сығып ӱн салза,
Тасхыл пастары сооласхай,
Табырах чоннаң тудынза,
Талалбас хоных тыып турғай.
Толғалып аххан Ағбан суғ
Тоғыр тағларны тобырча.
Тоғыста чапчаң чиит улус
Тооза странаға сабланча.
Игірлеп аххан Ағбан суғ
Илбек хыраны суғлапча.
Істеністе сымдах чиит улус
Истіг Москвада махтатча.
Автор публикации
Автор постов, стихов
