***
Кӧк кибіснең чазылар чабынып,
Кӧгінең чонны ӧріндірчелер.
Кӧп аймах ӱннер анда чайылып,
Кӧгілбей тигірні ырлатчалар.
Илбек чоннарның кӧӧнең пірігіп,
Сууҷахтар хорлап ахчалар.
Истіг чуртыбысты чоныбыс чазап,
Илбек Чир-суум пайытча.
Кӱстіг чӱректіг аар молат аттар,
Кӱӱлезіп, чазыда чарысчалар.
Хол-чӱрегі хатығ улустар,
Хорыхпин, тіннерін пик тутчалар.
Алтын хызыл пуғдайнаң сулғанып,
Хакас чазылары чазанчалар.
Андағ сіліг чиріме ӧрініп,
Харахтарым ойналчалар.
Автор публикации
Автор постов, стихов
