Как мы можем помочь?
Чаптыков Пётр Григорьевич
Парлап кӧлген аттарым
Парынаңох чӧрген колхоз чирінде.
Паарсазып хонған Макин хызынаң
Парлазыбох пас чӧрҷеңміс Азыр аалда.
Кӧлге кӧлген кӧк пораҷаам
Кӧлігдӧк чӧрҷең колхоз чирінде
Кӧглезіп чуртаан Макин хызынаң
Кӧглезібӧк пас чӧрҷеңміс Азыр аалда.
* * *
Пора адымнаң мӱн чӧрҷеңде
Хайдағ ӧкер оол чӧрче тіҷеңер.
Пора адымнаң тӱскенде,
Пора сырайлығ апсахха чидібӧк алдым.
Ах адыма мӱн чӧрҷеңде
Хайдағ ӧкер оол чӧрче тіҷеңер.
Ах адымнаң тӱскенде,
Ағас тайанар апсахха чидібӧк алдым.
* * *
Хызыл тууп маймаамны
Хумда чӧріп ӱреттім.
Хынған хызымны хоных хонарға
Хызыл Октябрьда кӧріп тапхам.
Хынған хызымны тапханда,
Хызыл чорғамнаң анда тӱскем.
Сарығ тууп маймаамны
Сайда чӧріп ӱреттім.
Сағынған хызымнаң чуртап саларға
Азыр аалда кӧр тапхам.
Сағынған хызымны тапханда
Сарығ чорғамнаң анда тӱскем.
Автор публикации
