Сӧстері С. Табаевани, кӧӧ Г. Челбораковти
Хайда-да ойнапча гармонь,
Аал аралии сарын чайып.
Табырах, ӧӧреҷем, параң,
Ойнапча, хығырча гармонь.
Сығарчам торғы кӧгенем,
Састырып иптіг салыним.
Че син дее сала маңзыран,
Сарнапча, хығырча гармонь.
Хоостығ пладымны тартыним
Сағыдах, аарлығ ӧӧреҷем!
Хайди киліспинҷе монӌиим!
Сарнапча, ӧстепче гармонь.
Кӧріндес хыринда тураң —
Кемнер ол піссер кӧрчеткен?
Тыңна маңзыраба, тыңнан —
Ноға да ылғапча гармонь.
Автор публикации
Автор постов, стихов
